“СПИД” Республикалык борбору лабораториялык жабдууларды алды.

Россиядан Бишкекке “СПИД” борборунун лабораториясы үчүн 683 572 рубль суммасына жабдык алып келинген. Бул жөнүндө КР Саламаттыкты сактоо министрлигинин пресс-кызматы кабарлады.

Жабдык эки мамлекет ортосундагы мамлекеттер аралык макулдашуунун чегинде 2 жыл мурун жеткизилген секвенирлөө аппаратын аягына чейие комплектөө үчүн багышталган.

Ошондой эле РФ боюнча долбоордун чегинде жакынкы убакта тест-системаларды жана сиквенстөө үчүн сарпталуучу материалдарды(1400 изилдөөгө) жеткирүү пландалууда.

Бул Applied Biosistems 3500 генетикалык анализаторунун мүмкүнчүлүктөрү тукум куучулук оорулардын, организмдин тукум куучулукка жакындыгынын себеби болгон ДНКнын генетикалыкмутацияларды аныктоого, ВИЧ, кургак учук, вирустук гепатитке окшогон инфекцияларды дарылоодо ар түрдүү препараттарга туруктуулугун изилдөөгө, онкомаркерди ж.б. аныктоого мүмкүндүк берет.

Андан тышкары, адамдын- генотиптин спецификалык генетикалык картасынын түзүлүшүн ар кайсы максатта: энеликти аныктоо, аталыкты аныктоого, адамдын инсандыгын идентификациялоого мүмкүн.

Изилдөө жүргүзүү методикасын өздөштүрүү үчүн өткөн жылы “СПИД” РБ врач-лаборанты Москвадан окуудан өттү. Мындан ары дагы бир катар адистер Алматы менен Ташкенттен стажировкадан өтөт.

РФ долбоорунун алкагында сиквенске изилдөө жүргүзүүдө процесске тартылган адистердин баарын жумушчу орундарында окутуу болжонгон.

Жакынкы арада жабдыктарды инеталяциялоо башталат жана жөндөө-ишке киргизүү иштерин жүргүзүп, адаптациялангандан кийин “СПИД” РБ изилдөөгө үлгүүлөрдү ала баштайт.

URL: www.vb.kg/358075